June 26 ------ Proud na ibinahagi ng Sparkle teen actor na si Seth Dela Cruz ang bagong academic achievement kung saan nagtapos ito sa elementarya bilang valedictorian ng kanyang batch.
Bukod dito, nakakuha rin si Seth ng Science and Math Wizard award sa pagtatapos nito sa Darwin International School sa Malolos, Bulacan. "Thank you, Papa God!" sulat nito sa post sa Instagram.
Sa kabila ng pagiging abala sa kanyang showbiz career, talaga namang pinatunayan ni Seth na walang imposible. Napanood si Seth sa ilang Kapuso shows tulad ng Kambal, Karibal, Mulawin Vs. Ravena, Cain at Abel, Magkaagaw, Love You Two, Agimat ng Agila, at Start Up PH. Dahil sa natatanging performances na ito onscreen, kinilala si Set bilang Best Child Performer sa larangan ng telebisyon sa 32nd PMPC Star Awards noong 2018.
Source: gmanetwork.com
Comments