Julie Anne San Jose and Rayver Cruz on future projects together

July 29 ------ Ibinahagi nina Julie Anne San Jose at Rayver Cruz ang susunod na dapat abangan sa kanilang love team. Matapos ang star-studded premiere night ng The Cheating Game ang first movie ng Kapuso tandem na Julie Anne San Jose at Rayver Cruz, ano na kaya ang next para sa JulieVer?

Sa kanilang premiere night, sinagot nina Julie at Rayver ang posibilidad na magkaroon sila muli ng future project na magka-love team pa rin. "Hopefully, yes," sagot ni Julie. Dagdag naman ni Rayver, "I'm sure meron 'yan. Pero, after The Cheating Game, may mga projects kami na hindi muna JulieVer pero lagi naman kaming nasa All-Out Sundays."

Kasalukuyang mainstay parehas sina Julie at Rayver sa weekly noontime variety show na All-Out Sundays. "Yes, and may mga international shows din pala," saad ni Julie. Tila umpisa pa lang para sa JulieVer, at confident ang parehas na may kasunod ang kanilang first box-office entry. "May break naman in between and hopefully may movie ulit or teleserye," pahayag ni Rayver.

Source: gmanetwork.com