December 23 ------ Kinilala si Kimson Tan bilang Most Inspiring and Fast Rising Actor of the Year sa MELA Awards 2023.
Sunod-sunod ang natatanggap na parangal ng Kapuso heartthrob at Lovers & Liars actor na si Kimson Tan!
Kinilala si Kimson bilang Most Inspiring and Fast Rising Actor of the Year ng MELA Awards 2023 o Metro Excellence Leadership Awards Ang Pagpupugay sa Lahing Pilipino, na ginanap noong Linggo, December 17, sa Aberdeen Court/Great Eastern Hotel sa Quezon City.
Sa Instagram post, proud na ibinahagi ni Kimson ang natanggap na pagkilala mula sa MELA Awards 2023. "Thank you po MELA Awards 2023 for this recognition," sulat ng aktor.
Bukod dito, una nang ginawaran si Kimson ng Promising Young Actor of the Year Award ng BEST AWARDS 2024 noong December 2. Kasalukuyang napapanood si Kimson bilang Kelvin Chong sa triple-plot drama series na Lovers & Liars kung saan kasama niya sa lead cast sina Optimum Star Claudine Barretto, Shaira Diaz, Yasser Marta, Rob Gomez, Michelle Vito, Sarah Edwards, Polo Ravales, Christian Vazquez, at Lianne Valentin. Abangan si Kimson sa Lovers & Liars, Lunes hanggang Huwebes, 9:35 p.m. sa GMA Telebabad.
Source: gmanetwork.com
Comments